വെള്ളിയാഴ്ച, ഏപ്രിൽ 20, 2012
ആയുര്വേദ നാടിന്റെ ആവേശോജ്ജ്വല സ്വീകരണം
കോട്ടക്കല്: രാജ്യ സ്നേഹത്തിന്റെ ധീര ചരിത്രമുറങ്ങുന്ന മണ്ണില് മാനവിക വിപ്ളവം ഉയര്ത്തി എത്തിയ ധീരനായകന് ആവേശോജ്ജ്വല സ്വീകരണം. പിറന്ന ഭൂമിയില് അധികാര ദല്ലാളന്മാര് മനുഷ്യത്വം വെട്ടിമുറിച്ചപ്പോള് പടപ്പുറപ്പാട് നടത്തിയ പൂര്വീകരുടെ ആവേശം ഏറ്റുപിടിച്ചാണ് ആയൂര്വേദ നഗരിയിലേക്ക് കേരളയാത്രയെ ജനം വരവേറ്റത്. മനുഷ്യത്വം മരവിച്ചു പോയ അധികാര രാജക്കന്മാര് പിറന്ന മണ്ണില് ജീവന് നിഷേധിക്കുന്നറിഞ്ഞപ്പോള് പടപ്പുറപ്പാട് നടത്തിയ പൂര്വീകരുടെ ചരിത്ര ഓര്കള്ക്ക് പുത്തന് ഉണര്വ് നല്കിയാണ് കേരള യാത്ര നായകനെ കോട്ടക്കല് നഗരം സ്വീകരിച്ചത്.
മൌലാനാ അബ്ദുല് ബാരിയും, തേനു മുസ്ലിയാരും തേരു തെളിയിച്ച നാട്ടില് ആകാശം മുട്ടെ ഉയര്ന്നു നില്കുന്നതായിരുന്നു സ്വീകരണം. ചരിത്ര കുറിപ്പിലേക്ക് മറ്റൊരു ചിത്രവും കൂടി ഉച്ചതിരിഞ്ഞ് മൂന്ന് മണിക്കുള്ള യാത്രയെ കാണാനും അഭിനന്ദനമറിയിക്കാനും കത്തി നിന്ന ഉച്ചവെയിലിനെ വകവെക്കാതെയാണ് പാതയോരങ്ങളില് പുരുഷാരം കാത്ത്നിന്നത്.
പുത്തൂര് ജഗ്ഷന് മുതല് ജനക്കൂട്ടം ആകാംക്ഷയോടെ കാത്ത് നിന്നു. വാഹനങ്ങള് നിരന്നൊഴുകിയപ്പോഴും ഗതാഗത തടസമില്ലാതെയാണ് ആയൂര്വേദ നഗരി യാത്രക്ക് സ്വാഗതം ഓതിയത്. കൊച്ചു പ്രകടനങ്ങളായും കൂട്ടമായും സ്വീകരണ സ്ഥലത്തേക്ക് പ്രവര്ത്തകര് ഒഴുകി എത്തി. ദര്സ് വിദ്യാര്ഥികളുടെ നേതൃത്വത്തില് വഴിയിലും യാത്രക്ക് അഭിവാദ്യമര്പ്പിച്ചു. മാനവികത മനസിലുള്ളവരൊക്കെ യാത്രക്ക് അഭിവാദ്യങ്ങള് അര്പ്പിച്ചു. കോട്ടക്കല് നഗരത്തിലെ പൌരാവലി ഉപഹാരം നല്കി യാത്രക്ക് പിന്തുണ പ്രഖ്യാപിച്ചു. വ്യാപാരികളുടെ പിന്തുണയും യാത്രക്ക് ലഭിച്ചു.
ചിട്ടയായ പ്രവര്ത്തനങ്ങളും പെരുമാറ്റങ്ങളും മുറുകെ പിടിച്ചാണ് ഓരോ പ്രവര്ത്തകരും യാത്രക്ക് പിന്തുണ നല്കിയത്. മേഖല സുന്നി സംഘടനകള്ക്ക് കീഴില് സംഘടിപ്പിച്ച പരിപാടി കെ ടി ജലീല് എം എല് എ ഉദ്ഘാടനം ചെയ്തു. സമസ്ത കേന്ദ്ര മുശാവറ അംഗം കോട്ടൂര് കുഞ്ഞമ്മു മുസ്ലിയാരുടെ പ്രാര്ഥനയോടെയാണ് തുടക്കം കുറിച്ചത്.
സ്നേഹ സംഘം പ്രവര്ത്തകരുടെ സ്നേഹഗാനാലപനത്തേടെ വേദിയിലെത്തിയ യാത്രാ നായകനെ സമസ്ത ഉപാധ്യക്ഷന് ഇ സുലൈമാന് മുസ്ലിയാര് ഷാള് അണിയിച്ചു. റഹ്മത്തുല്ല സഖാഫി എളമരം പ്രമേയ പ്രഭാഷണം നടത്തി. ടി എസ് കെ തങ്ങള് അധ്യക്ഷത വഹിച്ചു. സയ്യിദ് യൂസുഫുല് ജീലാനി, എടരിക്കോട് ഗ്രാമ പഞ്ചായത്ത് പ്രസിഡന്റ് നാസര് എടരിക്കോട്, പറപ്പൂര് ഗ്രാമപഞ്ചായത്ത് വൈസ് പ്രസിഡന്റ് സി കുഞ്ഞമ്മദ്, വ്യാപാരി വ്യവസായി ഏകോപന സമിതി ജില്ലാ സെക്രട്ടറി ടി അബ്ദുല് ഗഫൂര്, സി പി എം മുനിസിപ്പല് സെക്രട്ടറി എന് പുഷ്പ രാജന് , കോട്ടക്കല് മണ്ഡലം കോണ്ഗ്രസ് പ്രസിഡന്റ് ഗോപീകൃഷ്ണന്, മദ്യ വര്ജന സമിതി ജില്ലാ പ്രസിഡന്റ് വി ടി രാധാകൃഷ്ണന്, അക്ബര് വരിക്കോട്ടില് പൊന്മള അബ്ദുല് ഖാദിര് മുസ്ലിയാര്, ചെറുശോല ബീരാന് കുട്ടി മുസ്ലിയാര്, പി കെ എം സഖാഫി ഇരിങ്ങല്ലൂര്, സുലൈമാന് സഖാഫി മാളിയേക്കല് പ്രസംഗിച്ചു. സയ്യിദ് സലാഹുദ്ദീന് ബുഖാരി സ്വാഗതവും സുലൈമാന് ഹാജി ഇന്ത്യനൂര് നന്ദിയും പറഞ്ഞു. 20/04/2012
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ