മലപ്പുറം: കേരളയാത്രക്കിടെ അനുഗ്രഹം തേടി കാന്തപുരം ഗുരുസന്നിധിയിലെത്തി. മലപ്പുറത്ത് നല്‍കിയ സ്വീകരണത്തിന് ശേഷം കോട്ടക്കലിലേക്ക് പോകും വഴിയാണ് പ്രധാന ഗുരുവര്യന്‍ മര്‍ഹൂം ഒ കെ സൈനുദ്ദീന്‍ കുട്ടി മുസ്ലിയാരുടെ മഖ്ബറ സിയാറത്ത്് ചെയ്യാന്‍ കാന്തപുരം സമയം കണ്െടത്തിയത്. ഗുരുവര്യന്റെ മക്കളായ ഒ കെ അബ്ദുസ്സലാം മുസ്ലിയാര്‍, ഒ കെ അബ്ദുര്‍റശീദ് മുസ്ലിയാര്‍, ഡോ. ഒ കെ അബ്ദുല്‍ഗഫൂര്‍ ഖാസിമി തുടങ്ങിയവര്‍ കാന്തപുരത്തെ സ്വീകരിച്ചു. ഒ കെ ഉസ്താദിന്റെ സ്മരണക്കായി സിദ്ദീഖ് കറുപ്പത്ത് നല്‍കിയ ഉപഹാരം സമസ്ത ഉപാധ്യക്ഷനും ഇഹ്യാഉസുന്ന പ്രിന്‍സിപ്പലുമായ ഇ സുലൈമാന്‍ മുസ്ലിയാര്‍ കാന്തപുരം ഉസ്താദിന് നല്‍കി. സയ്യിദ് അലി ബാഫഖി തങ്ങള്‍, സയ്യിദ് ഇബ്റാഹീമുല്‍ ഖലീലുല്‍ ബുഖാരി, പൊന്മള അബ്ദുല്‍ഖദിര്‍ മുസ്ലിയാര്‍, ബാവ മുസ്ലിയാര്‍ വൈലത്തൂര്‍ സംബന്ധിച്ചു.
വര്‍ഷങ്ങള്‍ക്ക് മുമ്പ് മനുഷ്യമനസ്സുകളെ കോര്‍ത്തിണക്കാന്‍ കാന്തപുരം നടത്തിയ കേരളയാത്രക്ക് ആശിര്‍വാദങ്ങളുമായി ഒ കെ ഉസ്താദിന്റെ സന്നിധിയിലെത്തിയിരുന്നു. അന്ന് ഒ കെ ഉസ്താദ് തന്റെ വീടിന്റെ കോലായിലിരുന്ന് പ്രാര്‍ഥന നടത്തി കാന്തപുരത്തെ ആശീര്‍വദിച്ചിരുന്നു. 20/04/2012
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ